विश्वकै जेठा व्यक्तिको आइतबार ११३ वर्षको उमेरमा निधन
विश्वकै सबभन्दा जेठा व्यक्तिको आइतबार ११३ वर्षको उमेरमा निधन भएको छ । जापानका नागरिक मसाजो नोनाकाको आइतबार निधन भएको अधिकारीले जानकारी दिएका छन् ।
राइट दाजुभाइले पहिलो उडान गराएको दुई वर्षपछि सन् १९०५ मा उनको जन्म भएको थियो । गिनिज वर्ड रेकर्डका अनुसार गत वर्ष स्पेनका नागरिक फ्रान्सीस्को नुनेज ओलिभेराको निधन भएपछि उनी संसारकै सबैभन्दा जेठो व्यक्ति भएका थिए ।
‘यस्ता अग्रज व्यक्तिको निधनले हामी निकै दुःखी भएका छौं,’ उनकी नातिनी युकोले भनिन्।