सुनसरीका फिदा हुसेनको हत्यामा नेपालगञ्ज कनेक्सन, १ जना पक्राउ
प्रदेश नम्बर १ स्थित सुनसरी सोनापुरका फिदा हुसेनको हत्या आरोपमा एक जनालाई प्रहरीले पक्राउ गरेको छ । हुसेनलाई गोली हानिएको पेस्तोलसहित एक जनालाई प्रहरीले नेपालगञ्जबाट पक्राउ गरेको हो ।
पक्राउ गरिएका अभियुक्तको भने नाम प्रहरीले खुलाएको छैन । स्रोतका अनुसार उनलाई सुनसरी पु¥याइएको छ । उनको साथबाट प्रहरीले पेस्तोल र गोलीसमेत बरामद गरेको छ ।
हुसेनको हत्या आरोपमा अहिले एक जना मात्रै पक्राउ परे पनि ५/६ जनाको समूह सक्रिय रहेको प्रहरीको भनाइ छ । उनीहरु सबैको पहिचान भइसकेको र पक्राउ पर्नमात्रै बाँकी रहेको प्रहरीका एक अधिकारीले बताए ।
हुसेनको गत मंसिर ५ गते गोेली हानी हत्या भएको थियो ।
