पकेटमार स्वंयमले खुलाए सार्वजनिक स्थलमा प्रयोग गर्ने यी १५ कोड भाषा
काठमाडौँ : काठमाडौमा लामो समयदेखि सार्वजनिक सवारीमा पाकेटमारी गर्दै आएको संगठित समूहलाई प्रहरीले मंगलबार पक्राउ गरेको छ । ६० भन्दा बढी सादा पोसाकका प्रहरीलाई सार्वजनिक यातायातमा खटाएर पाकेटमारलाई नियन्त्रणमा लिइएको हो ।
पक्राउ परेकाको साथबाट प्रहरीले ७ लाख रुपैयाँभन्दा बढी बरामद गरेको छ । यसमध्ये ५ लाख ९६ हजार पीडितलाई हस्तान्तरण गरिएको जनाइएको हो ।
प्रहरीका अनुसार एउटा बसमा पकेटमारले ६ जनाको सम्म समूह बनाएर पैसा,मोबाइल, सिक्री लगायत सामग्री चोर्ने गर्थे । अनुसन्धानपछि प्रहरीले चोरले प्रयोग गर्ने भाषा पनि पत्ता लगाएर सार्वजनिक गरेको छ ।
यस्तो छ चोरले प्रयोग गर्ने कोड भाषा :
मोवाइल – कान
पैसा – द
पैसा धेरै छ – टानको द
पकेटमारी पिडित – रामे
पकेटमारी गर्ने (मास्टर) – काशी
गाडी – कांचा
पैसा थोरै छ – जुटको द
ड्राईभर – माम
केटा – छापा
केटी – भद्री
पुलिस आयो – ठुल्दाइ आयो
गाडी भित्र पछाडी सर – चिछल जा
खलासी – मले
गाडीबाट झरेर भाग – टप्की
गाडी भित्र अगाडी सर – अकल जा
