अभाव हटाउन विदाको दिनमा समेत पेट्रोलियम पदार्थ वितरण
सोमबार इन्द्रजात्राको विदाको दिनमा पनि नेपाल आयल निगमको थानकोट डिपो खुल्ने भएको छ । निगमले उपत्यकामा पेट्रोलियम पदार्थको अभाव हटाउन विदाको दिनमा समेत पेट्रोलियम पदार्थ वितरण गर्न लागिएको हो ।
निगमले यसअघिको शनिबार डिपो खोलेर पेट्रोलियम पदार्थ वितरण गरेको र इन्द्रजात्राको दिनमा पनि आवश्यक पर्ने तेल दिने डिपो प्रमुख भरत रेग्मीले घटना र बिचारलाई जानकारी दिए ।
उनका अनुसार तेल सहज हुने भएकोले अनावश्यक रुपमा घाममा लाइन बस्न पर्दैन् । निगमले आइतबार ८ लाख ६५ हजार लिटर पेट्रोल र १२ लाख ७५ हजार लिटर डिजल वितरण गरेको थियो ।
