वीरगंजमा १ किलो सुनसहित एक युवक पक्राउ
वीरगंञ्ज : वीरगंजमा १ किलो सुनसहित एक युवक पक्राउ परेका छन्। सर्लाहीको हरिपुर नगरपालिका–९ का ३८ वर्षीय सन्तोष कुमार साहलाई पर्सा बिहिबार प्रहरीले पक्राउ गरेको हो ।
मोटरसाइकलमा सवार उनलाई चेकिङको क्रममा प्रहरीले पक्राउ गरिएको प्रहरीले जनाएको छ। पक्राउ परका उनी ‘भरिया’ मात्र हुन्, तस्करीका नाइकेलाई प्रहरीले पत्ता लगाउन सकेको छैन ।
सो सुन तस्करीबाटै नेपाल भित्रिएको र भारत लैजाने प्रयास गर्दा बरामद गरिएको प्रहरीले जनाएको छ। केरुङ नाकाबाट सो सुन भित्रिएको आशंका गरिएको छ ।
विमानस्थलबाट लामो समयदेखि भएको सुन तस्करीको सम्बन्धमा हाल बिशेष अनुसन्धान टोली गठन गरी छानबिन भइरहेको छ। ठूलो संख्यामा तस्करहरु पक्राउ परिसकेका छन्। तर, पनि अर्को समूहले सुन तस्करी गरिरहेको छ ।