Logo
६ श्रावण २०८१, आईतबार
(June 9, 2018)

‘सामाजिक उत्तरदायित्वका लागि पत्रकारिता’

‘कमरेड प्रकाश’ लाई लेखिएको पत्रबाट खुलासा, माओवादीद्वारा मोदी हत्या योजना

भारतीय प्रधानमन्त्री नरेन्द्र मोदीको हत्या योजना बनेको सनसनीपूर्ण खुलासा भएको छ । भारतमा करिब ४ दशकदेखि सशस्त्र संघर्षको नेतृत्व गरिरहेको नक्सालवादी (भारतीय माओवादी) पार्टीका कार्यकर्ताहरुको गिरफ्तारी पछि उक्त घटनाको खुलासा भएको हो ।

माओवादीले भारतीय प्रधानमन्त्री नरेन्द्र मोदीको हत्याको योजना बनाएको प्रहरीले दाबी गरेको छ । महाराष्ट्रको पुणेमा प्रहरीले अदालतमो एक पत्र पेश गर्दै दाबी गरेको छ कि, माओवादीले प्रधानमन्त्री मोदीको ‘राजीव गान्धीको जस्तै गरी’ हत्याको योजना बनाएको थियो । पुणेको विशेष अदालतमा सरकारी वकिलले प्रहरीको पत्रलाई उद्धृत गर्दै यस्तो बताएका हुन् ।

भारतीय प्रहरीले गिरफ्तार गरिएका नक्सालवादी कार्यकर्ताहरुबाट भूमिगत रुपमै लेखिएको एउटा महत्वपूर्ण चिठी समेत बरामद गरेको र उक्त चिठीमा प्रधानमन्त्री मोदीको हत्या गर्ने योजना बनाइएको तथ्य फेला परेको दाबी गरेको छ । महाराष्ट्रको भीमा–कोरेगाउँमा गएको जनवरीमा भएको हिंसाको क्रममा पक्राउ परेका पाँचजनाबाट यस्तो जानकारी प्राप्त भएको प्रहरीले बताएको छ ।

प्रधानमन्त्री मोदीको हत्याको योजनासहितको पत्र पक्राउ परेका अभियुक्त रोना ज्याकोब विल्सनको दिल्लीको मुनिरकामा रहेको फ्ल्याटबाट बरामद गरिएको प्रहरीले दाबी गरेको छ । प्रहरीका अनुसार ‘कमरेड प्रकाश’ लाई सम्बोधन गरी लेखिएको पत्रमा बिहार र पश्चिम बंगालमा हारे पनि भारतीय जनता पार्टीले देशका अरु १५ भन्दा बढी राज्यमा जितेकोमा चिन्ता व्यक्त गरिएको छ।

पत्रमा भनिएको छ, ‘यदी यहि गति रह्यो भने पार्टीलाई सबैतिरबाट समस्या हुनेछ । मोदी राजको अन्त्य गर्नका लागि कमरेड किशन र केही अरु वरिष्ठ कमरेडले कडा कदम अर्थात ‘कंक्रिट स्पेप्स’ सुझाएका छन् । हामी राजीव गान्धी जस्तै अर्को एक घटनाका बारेमा सोचिरहेका छौँ ।’

पूर्व प्रधानमन्त्री राजीव गान्धीको सन् १९९१ के मे २१ म तमिलनाडुको श्रीपेरम्बदुरमा मानवीय बम अर्थात आत्मघाती बम आक्रमणमा हत्या भएको थियो । उनी त्यहाँ एक सभामा सहभागी हुन गएका थिए । प्रहरीको प्रतिवेदन आएपछि गृहमन्त्री राजनाथ सिंहले प्रधानमन्त्रीको सुरक्षा व्यवस्थाको समीक्षा हुने बताएका छन् ।

प्रकाशित मिति: Jun 9, 2018

प्रतिक्रिया दिनुहोस्