Logo
६ श्रावण २०८१, आईतबार
(May 2, 2018)

‘सामाजिक उत्तरदायित्वका लागि पत्रकारिता’

रामपुर खानेपानी आयोजनाबाट दुई हजार ७०० घरधुरी लाभान्वित

रामपुर: रामपुर दोस्रो साना शहरी खानेपानी आयोजनाबाट पाल्पा रामपुरका दुई हजार ७०० घरधुरीका बासिन्दा लाभान्वित भएका छन् ।

एशियाली विकास बैंकको रु २५ करोड १० लाख ८९ हजार ८३७ को लागतमा सम्पन्न सो आयोजनाबाट अहिले घरघरमा जडान भएका धारामा पानी आउन थालेपछि यहाँका बासिन्दाको खानेपानीको समस्या समाधान भएको आयोजनाका उपाध्यक्ष हुमनाथ न्यौपानेले बताए ।

दुई हजार ७०० घरधुरीमा धारा जडान भएको छ । तीन हजार १३७ घरधुरीमा पानी वितरण गर्ने लक्ष्य रहे पनि यस आयोजनाबाट रामपुरका करीब पाँच हजार घरपरिवारलाई प्रशस्त खानेपानीको सुविधा पुग्ने उहाँ बताउनुहुन्छ । यो आयोजना रामपुर नगरपालिका–४, ५, ६ र ७ का तल्लो बस्तीमा सञ्चालनमा ल्याइएको हो । कतिपय घरघडेरीमा घर निर्माण नभएका कारण धारा जडान गर्न बाँकी छ ।

खानेपानीका लागि वर्षौंदेखि निकै समस्या भोग्दै आएका यहाँका बासिन्दालाई घरघरमा पानी आएपछि ठूलो राहत पुगेको स्थानीय डिलमाया सोमै बताउनुहुन्छ । “पहिला पानी खोज्नका लागि गाग्री बोकेर बिहानभर खोलाका कुवामा चहार्नुपथ्र्यो अहिले आयोजनाबाट घरमै पानी आएकाले अत्यन्त सहज भएको छ,” उहाँको भनाइ छ । २०७० साल साउन ३१ गते ठेक्का सम्झौता भई २०७१ साल माघ ३० गतेदेखि आयोजनाको काम शुरु गरिएको थियो ।

प्रकाशित मिति: May 2, 2018

प्रतिक्रिया दिनुहोस्