कांग्रेसमा विवाद : पौडेल समूहको विरोधपछि पदाधिकारी मनोनयनमा अन्यौल

सभापति शेरबहादुर देउवाले आज पदाधिकारी मनोनित गर्ने तयारी गरेका थिए । तर सभापतिले सहमति नगरी बहुमतीय प्रकृयामा जान खोजेको भन्दै पौडेल पक्षले असहमति जनाउँदै आएको छ ।

कांग्रेसमा महाधिवेशन भएको २६ महिना पुगिसके पनि पदाधिकारी मनोनयन हुन सकेको छैन । कांग्रेस विधानमा भने महाधिवेशन सकिएको दुई महिनाभित्र पदाधिकारी मनोनित गर्ने व्यवस्था छ ।

विधानअनुसार सभापतिले पदाधिकारीमा उपसभापति र महामन्त्री एक-एक जना तथा सहमहामन्त्री दुई जना मनोनित गर्न पाउँछन् ।