साढे ३३ केजी सुन प्रकरणमा पूर्व डिआईजी गोविन्द निरौला पक्राउ
काठमाडौं, ९ बैशाख : साढे ३३ केजी सुन प्रकरणमा नेपाल प्रहरीका पूर्व डिआईजी गोविन्द निरौला पक्राउ परेका छन् ।निरौलाले गत २९ चैतमा अवकाश पाएका प्रहरी अधिकृत हुन् ।
प्रकरणको अनुसन्धान गर्न गठित छानबिन समितिले उनलाई आइतबार पक्राउ गरेको प्रहरी स्रोतले बतायो । उनलार्इ महानगरीय प्रहरी वृत्त, बानेश्वरको हिरासतमा राखिएको स्राेतले बतायो ।
अनुसन्धानमा संलग्न अधिकारीका अनुसार विमानस्थल प्रहरी प्रमुख रहेका वेला निरौला निरन्तर सुन तस्करी गर्ने गिरोहसँग सम्पर्क रहेका थिए ।
गत ७ माघमा यूएर्इबाट अाएको तस्करीको साढे ३३ केजी सुन गायब प्रकरण र उर्लाबारीका सनम शाक्यको हत्याकाण्डमा प्रहरीकै मिलेमतो रहेको अाशंकामा घटनाको अनुसन्धानका लागि गृहमन्त्रालयले सह-सचिव ईश्वर पौडेल नेतृत्वको छानवीन समिति गठन गरेको थियो ।