गाउँँपालिका अध्यक्षलार्इ विशेष राहदानी, जिसस संयोजकलाई रातो पासपोर्ट,
काठमाडौं : गाउँपालिका अध्यक्षलाई सरकारले विशेष कूटनीतिक राहदानी उपलब्ध गराउने भएको छ । सोमवार बसेको मन्त्रिपरिषदको बैठकले कूटनीतिक राहदानी प्रयोग गर्न पाउनेहरुको सूची संशोधन गर्दै गाउँपालिका अध्यक्षलाई विशेष कूटनीतिक राहदानी उपलब्ध गराउने निर्णय गरेको छ ।
त्यस्तै जिल्ला समन्वय समितिका संयोजकले पनि कूटनीतिक राहदानी प्रयोग गर्न पाउने भएका छन् । प्रदेशमन्त्री, सांसदसँगै जिल्ला समन्वय समितिका संयोजकसम्मले कूटनीतिक राहदानी अर्थात रातो पासपोर्ट पाउनेछन् ।
गाउँपालिका अध्यक्षहरुले विशेष राहदानी प्रयोग गर्न पाउने निर्णय भएको सञ्चार राज्यमन्त्री गोकुल बास्कोटाले जानकारी दिए ।
