मलेसियाबाट नेपालका लागि उडेको जहाज अचानक ढाकामा अवतरण
काठमाडौँ : नेपालका लागि मलेसियाको क्वालालम्पुर विमानस्थलबाट उडेको मालिण्डो एअरको जहाज बंगलादेशको ढाकामा अवतरण गरेको छ ।
१९६ जना यात्रु सवार जहाज नेपाली समयअनुसार ८ : ३५ मा अवतरण भए पनि खराब मौसम एवं जहाजको प्राविधिक गडबडीको कारण त्यहाँबाट लखनउ उडाइएको बताइएको छ ।
स्थानीय समयअनुसार शुक्रबार साँझ ६ : १० बजे काठमाडौंका लागि उडेको उक्त जहाज मौसम खरावी कारण त्रिभुवन अन्तर्राष्ट्रिय विमानस्थलमा अवतरण गर्न नसक्दा भारतको लखनउ हुँदै ढाकामा अवतरण गरेको छ ।
