Logo
६ असार २०८१, बुधबार
(December 21, 2017)

‘सामाजिक उत्तरदायित्वका लागि पत्रकारिता’

भगौडा सैनिकको विषयमा दुई देशबीच गोलीबारी

भगौडा सनिकलाई खोज्न सीमा क्षेत्रमा प्रवेश गरेका उत्तर कोरियाली सैनिकमाथि दक्षिण कोरियाली सेनाले चेनावनी स्वरुप गोली प्रहार गरेको छ । यस वर्ष उत्तरबाट भागेर दक्षिण प्रवेश गर्ने उनी चौथो सैनिक बनेका छन् । बिहान करिब ८ बजे उत्तर कोरियाली सैनिक डिमिलिटराइज्ड जोनमा प्रवेश गरेपछि उनलाई खोज्न आएका उत्तर कोरियाली सैनिकमाथि दक्षिणी सेनाले गोलीबारी गरेका हुन् ।

गत नोभेम्बर १३ मा उत्तरबाट भागेर आएका सैनिकमाथि उत्तर कोरियाका सैनिकले गोली प्रहार गरेका थिए । बिहिबारको घटना मध्यपश्चिम सीमा क्षेत्रको चेकप्वाइन्टमा घटेको उत्तर कोरियाली सैनिक प्रवक्ता रोह जाइ चेओनले बताए । भगौडा सैनिकलाई हिरासतमा राखिएको र उनी सुरक्षित रहेको पनि उनले जानकारी दिए ।

करिब १९ वर्ष उमेरका ती सैनिकले साथमा एके ४७ राइफल पनि ल्याएको बताइएको छ । त्यतिबेला गोलीप्रहार नगरिए पनि त्यसपछि उनको खोजीमा सैनिकहरु आएपछि करिब २० राउण्ड गोली प्रहार भएको बिबिसीले उल्लेख गरेको छ ।त्यसको ४० मिनेटपछि उत्तर कोरियाका तर्फबाट पनि गोली प्रहार गरिएको थियो ।

प्रकाशित मिति: Dec 21, 2017

प्रतिक्रिया दिनुहोस्