निर्देशक एवं कलाकार निरज वोराको निधन
बलिउड लेखक, निर्देशक एवं अभिनेता निरज वोराको निधन भएको छ। एक वर्षदेखि कोमामा रहेका उनको ५४ वर्षको उमेरमा निधन भएको हो । उनको शरीरको विभिन्न अङ्गले काम गर्न छोडेको आउटलुक म्यागजिनमा जनाइएको छ। चार दिन यता शारीरिक समस्या बढेपछि उनलाई भेन्टिलेटरमा राखिएको थियो ।
बिहान क्रिटिकेयर अस्पताल मुम्बईमा उनले अन्तिम श्वास फेरेका हुन्। विहीबार दिउसो ३ बजे सान्ताक्रज वेस्टमा अन्तिम संस्कार गरिने जनाइएको छ । वोराले कम्पनी, मन, बादशाह, पुकार, सत्य लगायत फिल्ममा अभिनय गरेका छन्। फिल्म हेरा फेरी लेखेका वोराले फिर हेरा फेरी र चाची ४२० निर्देशन समेत गरे ।
