Logo
४ असार २०८१, सोमबार
(October 27, 2017)

‘सामाजिक उत्तरदायित्वका लागि पत्रकारिता’

देशभर एकसाथ रिलिज ‘ऐश्वर्य’ को सुरुवाती व्यापार आक्रमक

छठ पर्वको अवसर पारेर बिहिबार नै देशभर एकसाथ रिलिज भएको चलचित्र ‘ऐश्वर्य’ले सुरुवाती व्यापार आक्रमक गरेको छ । कलाकारको रुपमा लामो समय विताएका रमेश उप्रेतिको निर्माणमा डेब्यु रहेको चलचित्र हेर्न बिहिबार र शुक्रबार बिहानी शोमा दर्शकको भिड देखिएको छ ।

वितरक डिसीएनले दिएको जानकारी अनुसार चलचित्रे उपत्यकामा २८ लाख ८६ हजार १०७ रुपैयाको ग्रस कलेक्सन गरेको छ, भने मोफसलमा १९ लाख ३० हजार ५७५ को ब्यापार गर्न सफल भएको छ । यसको हिसावले हेर्ने हो भने पनि पहिलो दिन ४८ लाख १६ हजार ६ सय ८२ कलेक्सन गरेको छ ।

चलचित्रलाई शुक्रबार बिहानी शोमा ८० देखि ९० प्रतिशत अकुपेन्सी मिलेको निर्माण युनिटले जनाएको छ । मल्टिप्लेक्सका चलचित्र भवन क्युएफएक्स, बिग मुभिज, क्युज सिनेमा, एफक्युब लगायत गोपी कृष्ण, गुण सिनेमा, अष्टनारायण पिक्चर्स र मोफसलको मुख्य स्टेसन पोखरा, नारायणगढ, हेटौडा र पुर्वका स्टेसनमा चलचित्रले राम्रो ब्यवसाय गरेको निर्माण युनिटको दाबी छ । चलचित्र भवनको तर्फबाट ब्यवसाहिक रिपोट आउन भने बाँकी छ ।

चलचित्रले बिहिबारनै बिग मुभिज कमलपोखरीमा एक पे्रस शोसमेत राखेको थियो । उक्त सोमा अधिकांश रंगपत्रकारहरुको उपस्थिती थियो । उक्त शोमा भिलेन प्रशान्त ताम्राकार, अभिनेत्री केकी अधिकारी र डेब्यु गर्ल दीपिका प्रसाईं बधाइका पत्र भए ।

दिवाकर भट्टराईको लेखन तथा निर्देशनमा तयार भएको चलचित्रमा केकी , रमेश, प्रशान्त र दीपिकासँगै बिकाश खतिवडा, अर्जुन श्रेष्ठ, निर्मल शर्मा, केशव भट्टराई, अर्जुनजंग शाही लगायतको अभिनय रहेको छ ।

प्रकाशित मिति: Oct 27, 2017

प्रतिक्रिया दिनुहोस्