कम्युनिष्ट नेता मदन भण्डारीको जन्मथलोमा राष्ट्रपतिलाई अभिनन्दन
स्वर्गीय कम्युनिष्ट मदन भण्डारीको जन्मस्थल मैवा खोला ढुंगे साँघुमा उनकी पत्नी तथा राष्ट्रपति विद्या भण्डारीलाई नागरिक अभिनन्दन गरिएको छ । राष्ट्रपति भण्डारीलाई मैवा खोला गाउँपालिका र मैवा खोला सेवा समाजले नागरिक अभिनन्दन गरेको हो ।
राष्ट्रपति भण्डारी मैवा खोला पुग्ने क्रममा काठमाडौबाट पाथिभरा दर्शनको लागि जान खोजे पनि मौसमका कारण सम्भव भएन । पाथीभरा जाने कार्यक्रम रहेपनि मौसममा आएको परिवर्तनले राष्ट्रपति सवार हेलिकप्टर उपल्लो ताप्लेजुङको घुन्सा र गोला क्षेत्रको अवलोकनका लागि त्यसतर्फ गइ नेपाली सेनाको ब्यारेकमा अवतरण भएको थियो ।
मुख्य पर्यटकीय स्थल गोला र घुन्सा क्षेत्रको अवलोकन भने राष्ट्रपतिले हेलिकप्टरबाटै गरेको यहाँ स्थित नेपाली सेनाले जनाएको छ । काठमाडौबाट आएको हेलिकप्टर पाथीभरा मन्दिरमा अवतरण हुन नसकेपछि सुकेटार एअरपोर्टमा अवतरण गरी गोला घुन्सा तर्फ गएको थियो । ढुङ्गेसाँघुमा उनले स्वर्गीय पति मदनको जन्म घर अवलोकन गरेकी छन् ।