विभिन्न बेंकको कालोसूचीमा परेका उद्यमी ढकालले सर्वोच्चलाई चुनौती दिए
सर्वोच्च अदालतमा विचाराधीन मुद्दा चलिरहे पनि पूर्व अध्यक्ष चण्डी ढकालले किशोर श्रेष्ठका लागि भोट मागेका छन् । कसैले बोल्न र लेख्न नपाउने विचाराधीन मुद्दामा चण्डीले आचारसंहिता उल्लंघन गरेका हुन् ।
उद्योग संघ मोरङको सभाहलबाटै चण्डी ढकालले किशोर श्रेष्ठको लागि भोट मागेपछि उद्यम र कानुनी क्षेत्रमा हल्लीखल्ली भएको छ ।
संघका उपाध्यक्ष प्रमोद श्रेष्ठ स्थानीय चुनाव लड्न गएपछि खारेज पदमा मुद्दा परेको हो । चण्डीले सर्वोच्चले चुनावकै पक्षमा फैसला गर्ने अनुमान समेत सार्वजनिक गरिदिएका छन् ।
यो मुद्दाको फैसला असोज २४ गते हुने मिति तोकिएको छ । नेपाल उद्योग वाणिज्य महासंघकी अध्यक्ष भवानी राणासमेत किशोर श्रेष्ठकै पक्षमा उभिएकी थिइन् र चण्डीले बोल्दा साक्षी थिइन् ।
त्यसो त चण्डी ढकाल विभिन्न बेंकको कालोसूचीमा परेका उद्यमी हुन् । उनी पूर्व अध्यक्ष भएको र वर्तमान अध्यक्षले साथ दिएका कारणले टाउको उठाएर हिड्न पाएका छन् ।
