राजपालाई चुनावमा सहभागी हुन गच्छदारकाे आग्रह
मोरङ, उपप्रधान एवं संघीय मामिला तथा स्थानीय विकास मन्त्री विजय गच्छदारले राष्ट्रिय जनता पार्टी नेपाललाई असोज २ गते हुने स्थानीयतह निर्वाचनमा सहभागी हुन आग्रह गरेका छन् । सहभागी नभएर गल्ती नदोहोर्याउन उनले आग्रह गरे । विराटनगरमा बिहिवार पत्रकारसँग कुरा गर्दै अध्यक्ष गच्छदारले राजपाले दोश्रो चरणको निर्वाचनमा नआएर आफैलाई घाटा पुर्याएको बताएका हुन् ।
‘संविधान कार्यान्वयनका लागि माघ ७ गतेभित्र तीनै तहको निर्वाचन गर्नैपर्ने भएकाले सबैको सहभागिता आवश्यक छ,’ उनले भने, ‘प्रजातान्त्रिक पार्टीले कहिल्यै पनि निर्वाचनबाट भाग्न मिल्दैन तर राष्ट्रिय जनता पार्टीले त्यही गरिरहेका छन् । त्यसबाट राजपासँगै २ नम्बर प्रदेशका सबै जनतालाई व्यहोर्नुपर्ने भएकोले असोज २ गतेको निर्वाचनमा सहभागी हुन आग्रह छ ।’
उनले स्थानीय तह सञ्चालनका लागि सरकारले ऐन बनाउन विधेयक दर्ता गरिसकेको र चाडै नै ऐन पारित हुने बताए । उनले स्थानीय विकास मंत्रालयले स्थानीय तहको कार्य संचालनका लागि तत्कालका लागि कार्यादेश जारी गरेको र सबै स्थानीय तहलाई समान कानून बनाउन निर्देशन दिएको जनाए । गच्छदारले विराटनगर र बीरगंजलाई जस्तै जनकपुर र बुटबललाई पनि महानगरपालिका बनाउने तयारी भईरहेको र पूर्वाधार अभावले मात्र यसपटक महानगरपालिका बन्न नसकेको बताए ।
गल्ती नदोहोर्याउन आग्रह
गच्छदारले राष्ट्रिय जनता पार्टी नेपाललाई असोज २ गते हुने स्थानीय तहको निर्वाचनमा सहभागि नभएर गल्ती नदोहोर्याउन आग्रह गरेका छन् । विराटनगरमा बिहीवार पत्रकारसँग कुरा गर्दै अध्यक्ष गच्छदारले राजपाले दोश्रो चरणको निर्वाचनमा नआएर आफैलाई घाटा पुर्याएको बताए । ‘संविधान कार्यान्वयनका लागि माघ ७ गतेभित्र तीनै तहको निर्वाचन गर्नैपर्ने भएकाले सबैको सहभागिता आवश्यक छ,’ उनले भने, ‘प्रजातान्त्रिक पार्टीले कहिल्यै पनि निर्वाचनबाट भाग्न मिल्दैन । तर, राष्ट्रिय जनता पार्टीले त्यही गरिरहेका छन् । त्यसबाट राजपासँगै २ नम्बर प्रदेशका सबै जनतालाई व्यहोरिनु पर्ने भएकोले असो २ गतेको निर्वाचनमा सहभागी हुन आग्रह छ ।’
उनले स्थानीय तह सञ्चालनका लागि सरकारले ऐन बनाउन विधेयक दर्ता गरिसकेको र चाडै नै ऐन पारित हुने बताए । उनले स्थानीय विकास मन्त्रालयले स्थानीय तहको कार्य संचालनका लागि तत्कालका लागि कार्यादेश जारी गरेको र सबै स्थानीय तहलाई समान कानून बनाउन निर्देशन दिएको जनाए । मन्त्री गच्छदारले विराटनगर र बीरगंजलाई जस्तै जनकपुर र बुटवललाई पनि महानगरपालिका बनाउने तयारी भईरहेको र पूर्वाधार अभावले मात्र यसपटक महानगरपालिका बन्न नसकेको प्रष्टिकरण दिए ।
