Logo
११ जेष्ठ २०७९, बुधबार
(May 5, 2017)

‘सामाजिक उत्तरदायित्वका लागि पत्रकारिता’

निर्भया बलात्कारका चारै दोषीमाथि मृत्युदण्ड यथावत

एजेन्सी,  भारतको सर्वोच्च अदालतले निर्भरा सामूहिक बलात्कार मुद्दाका चारैजना दोषीलाई मृत्युदण्डको सजायँलाई यथावत राखेको छ । । अदालतले निर्णय सुनाउँदै भन्यो, ‘जुन बर्बरताका साथ अपराध भयो त्यसलाई माफी दिन सकिन्नँ ।’ चारैले फाँसीविरुद्ध सर्वोच्च अदालतमा अपिल गरेका थिए ।

स्थानीय समयानुसार दिउँसो २ बजेर ३ मिनेटमा सर्वोच्च अदालतका तीन न्यायाधिस – दीपक मिश्रा, अशोक भूषण र जस्टिस भानुमती अदालतमा आए । न्यायाधिस मिश्रा र भूषणले हरेक कुरालाई रेकर्डमा लिए । न्यायाधिस मिश्रा र भूषण फाँसीको पक्षमा थिए । अदालतले २० मिनेटमा निर्णय सुनायो ।

न्यायाधिस दीपक मिश्राको बेन्चले फास्ट ट्र्याक सुनुवाई पछि २७ माचको निर्णय सुरक्षित राख्यो । स्मरण रहोस्, सन् २०१२ को डिसेम्बर १६ तारिखमा दिल्लीमा ६ अपराधीले गुडिरहेको बसमा निर्भयामाथि सामूहिक बलात्कार गरेका थिए । उनलाई बसबाट फ्याँकिएको थियो । पछि उपचारको क्रममा पीडितको मृत्यु भएको थियो ।

अदालतले भन्यो, ‘जुन बर्बरतापूर्ण तरिकाले घटना भयो त्यस हिसाबले हाईकोर्टको निर्णय सही थियो । यसमा माफीको कुरै आउँदैन ।’ दोषीले पीडितालाई बसले किचेर मार्ने कोसिस पनि गरे । पछि सिंगापुरमा उपचारको क्रममा निर्भयाको मृत्यु भयो । अन्तिम निर्णय पछि कोर्टरुममा ताली पनि बज्यो ।

प्रकाशित मिति: May 5, 2017

प्रतिक्रिया दिनुहोस्