हाकिमलाई ‘स्यालुट’ नगरेपछि कुटिए हवल्दार
प्यूठान, माघ २६,। स्यालुट नगरेको भन्दै ट्राफिक प्रहरी हवल्दार आफ्नै ‘हामिक’ बाट कुटिएका छन् । डीएसपी रञ्जितसिंह राठौरले कुटपिट गरेको हवल्दार त्रिचन्द्रबहादुर डीसीले बताए ।
सोमबार दिउँसो प्रमुख जिल्ला अधिकारी जनकराज पन्त, जिल्ला प्रहरी प्रमुख डीएसपी राठौर, राष्ट्रिय अनुसन्धानका डीएसपी शेरचनबहादुर चन्द र स्थानीय विकास अधिकारी इन्द्रप्रसाद बस्याल चेरनेटाबाट प्रशासनको गाडीमा आउँदै गर्दा सवारी जाँचमा बसेका डीसीले अभिवादन नगरेको आरोपमा कुटपिटमा परेका हुन् ।
बेलुका इलाका प्रहरी कार्यालय बिजुवारको गाडीमा लगेर जिल्ला प्रहरी कार्यालयमा हत्कडी लगाई कुटपिट गरेको उनको गुनासो छ ।
