Logo
२३ मंसिर २०७९, शुक्रबार
(January 5, 2017)

‘सामाजिक उत्तरदायित्वका लागि पत्रकारिता’

माओवादी बैठकमा समावेशिताको विषयमा विवाद

फाइल तस्विर

काठमाडौँ, पुस २१। नेकपा माओवादी केन्द्रको बैठकमा समावेशिताको विषयलाई लिएर विवाद भएको छ । माओवादीको निकट भविष्यमै हुने भनिएको गाउँ तथा जिल्ला अधिवेशनको लागि बनाइएको आन्तरिक निर्वाचन र सङ्गठनात्मक कार्यविधिकमा नेताहरुबीच विवाद देखिएको हो ।

गाउँदेखि जिल्लासम्मको अधिवेशन गर्न संगठन र कार्यविधि कस्तो बनाउने भन्ने सवालमा कार्यविधि तय गर्न माओवादीले नेता वर्षमान पुनको नेतृत्वमा हितमान शाक्य, आहुतीलगायत सदस्य रहेको समिति गठन गरेको थियो । समितिले कार्यविधि पार्टीलाई बुझाएपछि सो बारे आजको केन्द्रीय कार्यालयले छलफल गरी टुंग्याउने तय भएपनि विवाद भएपछि बैठक निश्कर्षविहिन बनेको एक नेताले बताए ।

बैठकपछि पार्टी प्रवक्ता पम्फा भुसालले पार्टीको आन्तरिक निर्वाचन र सङ्गठनात्मक कार्यविधिका बारेमा अब शुक्रबार छलफल गरिने बताइन् ।

कार्यविधिमा आवश्यकता भन्दा बढी समावेशितालाई जोड दिइएको तर कम्युनिष्ट सिद्धान्तलाई ध्यान नदिइएको भन्दै गैरजनजाती पृष्ठभूमिका नेताहरुले असन्तुष्टि जनाएका हुन् । ती नेताका अनुसार कार्यविधिमा कम्युनिष्ट सिद्धान्तलाई भुलेर आवश्यकता भन्दा बढी समावेशितालाई ध्यान दिइएको छ ।

प्रकाशित मिति: Jan 5, 2017

प्रतिक्रिया दिनुहोस्