Logo
२९ श्रावण २०७९, आईतबार
(August 18, 2016)

‘सामाजिक उत्तरदायित्वका लागि पत्रकारिता’

मानव ओसारपसार गर्ने ८ सांसद्सँग सिआइबीले लियो बयान

cib-logo

काठमाडौं २ भदौ । स्पेनमा आयोजित कार्यक्रममा नक्कली पिएलाई आफूसँगै लगेर मानव ओसारपसार गर्ने प्रयास गरेको आरोप लागेका माओवादी केन्द्रका ८ सांसद्सँग प्रहरीको केन्द्रीय अनुसन्धान ब्युरो (सिआइबी) ले बयान लिएको छ । सो प्रकरणमा तानिएका ८ मध्ये तीन जना सांसद सृजना तमारु, रुपा महर्जन र सन्तकुमार थारुसँग सिआइबीले बुधबार बयान लिएको हो ।

कुटनीतिक राहदानी प्रयोग गर्दै सांसदको हैसियतमा स्पेनको कार्यक्रममा भाग लिन जान भिषा आवेदन गर्दा कन्सुलर विभागको पत्र किर्ते गरेर असम्बन्धित ब्यक्तिलाई सहयोगी बनाएर स्पेन लैजाने प्रयास गरेको घटनामा माओवादी केन्द्रका सांसद गोमा कुँवर, डोरप्रसाद उपाध्याय, सिर्जना तमारु खत्री, सन्तकुमार थारू, रूपा महर्जन श्रेष्ठ, राममाया बोगटी, दिलमाया धामी र धना पहरी अनुसन्धानमा तानिएका थिए ।

सांसदको संलग्नतामा भएको मानव ओसारपसारबारे कान्तिपुरमा समाचार प्रकाशित भएपछि अनुसन्धान शुरु गरेको सिआइबीले तीन दिन अगाडि सांसदका सहयोगी करिअर ब्रिज कन्सल्टेन्सी सञ्चालक रोहित भन्ने दिनेश खडालाई पक्राउ गरेको थियो । अनुसन्धानमा नक्कली पिए बनाइएकाहरुसँग खडाले १२ देखि १६ लाख रुपैयाँसम्म असुलेको खुलेको थियो । प्रहरीले खडामाथि सरकारी दस्तखत किर्तेको अभियोग लगाएको छ । आजको कान्तिपुर दैनिकमा खबर छ ।

प्रकाशित मिति: Aug 18, 2016

प्रतिक्रिया दिनुहोस्