फिल्म छायांकनका क्रममा क्रेन भाँचिदा छायांकार गौतम घाइते
काठमाण्डौ । बिहिबार काठमाण्डौको अनामनगरमा छायांकन भैरहेको चलचित्र ‘गुनगुन’को सेटमा गम्भिर दुर्घटना भएको छ । १७ फिट माथि क्रेनमा बसेर दृश्य छायांकन गरिरहेका पवन गौतम दुर्घटनामा परेका छन् ।
क्रेनको नट एक्कासी भाच्चिएपछि पवन १७ फिट माथि बाट भुइँमा खसेका थिए । साथमा छायांकनका क्रममा प्रयोग भैरहेको रेड क्यामेरा पनि फुटेको छ ।
पुकार भट्टराइले निर्देशन गरिरहेको यो चलचित्रमा सुवास मेेचे र नायिका संचिता लुइटेल दृश्यमा अभिनय गरिरहेका थिए ।
गौतमको गर्दनमा चोट लागेको छ भने उनको हाल काठमाण्डौ मोडेल अस्पतालमा उपचार भैरहेको छ । शिघ्र स्वास्थ लाभको कामना गर्दछौ ।
