रंगशालाको मञ्चबाट बाबुराम भट्टराईले भने वैकल्पिक राजनीतिक शक्ति भयौं
काठमाण्डौ । दशरथ रङ्गशालामा अहिले नयाँ शक्ति नेपालको पार्टी घोषणा सभा भएको छ । डा.बाबुराम भट्टराईले दशरथ रंगशालाको मञ्चबाट वैकल्पिक राजनीतिक शक्ति घोषणा भएको बताए ।
त्यस लगत्तै ‘जाग लम्क चम्क हे नौ जवान हो,’ भन्ने गीतको धून बजाइएको छ । कार्यक्रममा सहभागीहरुले सामूहिकरुपमा सपथ खाएका छन् ।
उद्घाटन कार्यक्रममा प्रधानमन्त्री एवम् नेकपा एमालेका अध्यक्ष केपी शर्मा ओली, नेपाली काँग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल लगायत शीर्ष नेता सबै सांसदलाई निम्ता गरिएको छ ।
