लाखौं नेपाली लाभान्वित हुने, भारतमा बढ्यो तलब
काठमाडौ। भारतमा रहेका सरकारी जागिरेको तलव र पेन्सनरको पेन्सन रकम ह्वात्तै बढेको छ ।
भारतको केन्द्रिय सरकारको मन्त्रीपरिषद्ले त्यहाँको वेतन आयोगको प्रस्ताव स्वीकृत गर्दै कर्मचारीको तलवमान बढाउने घोषणा गरेकासंगै त्यहाँ रहेका लाखौ नेपाली लाभान्वित भएका छन् ।
भारतले कर्मचारीको २३ प्रतिशत र पेन्सनरको २४ प्रतिशत पेन्सन बढाएको हो । यसवाट त्यहाँ कार्यरत २ लाख ५० हजारभन्दाबढी नेपाली लाभान्वित हुने भएका छन् ।
यस्तै, भारतीय सेनामा कार्यरत ५० नेपाली र एक लाख ५० हजार पेन्सनर पनि यो सुविधावाट लाभान्वित हुने छन् । भारतले नेपालमा पेन्सनका लागि मात्र ३५ अर्ब रुपैयाँ भन्दा वढी रकम खर्च गर्दै आएको छ । यो व्यवस्था आगामी जनवरीवाट लागु हुने जनाइएको छ ।
