Logo
१७ आश्विन २०७९, सोमबार
(June 30, 2016)

‘सामाजिक उत्तरदायित्वका लागि पत्रकारिता’

राप्रपा नेपाल समानान्तर पार्टी फुट्यो

ganesh-serchen-640x330काठमाडौं । कमल थापा नेतृत्वको राप्रपा नेपालसँग विद्रोह गरेर बनेको राप्रपा नेपाल समानान्तर पार्टी फुट्न पुगेको छ । कार्यबहाक अध्यक्ष गणेश शेरचनलाई बहुमत केन्द्रीय सदस्यको बलमा हटाइएको असन्तुष्ट समुहले घोषणा गरेको छ ।

राजधानीमा उपाध्यक्ष सत्यमान लामाको अध्यक्षतामा बसेको समानान्तर पार्टीको बैठकले शेरचनलाई हटाउने निर्णय हो । महामन्त्री श्याम तिमल्सिनाका अनुसार असन्तुष्ट समुहले बहुमत केन्द्रीय समितिको बलमा शेरचनलाई हटाएको घोषणा गरेसँगै पार्टी झुट्न पुगेको हो ।

राप्रपा नेपाल समानान्तर पार्टीका प्रवक्ता सगुनसुन्दर लावतीले पार्टीलाई सहि नेतृत्व दिन नसकेको , एकता प्रक्रियामा बाधा खडा गरेको लगायतका कारणले उनलाई हटाउने निर्णय गरिएको  बताए ।

शेरचनलाई कारबाही गर्ने निर्णय गरेको राप्रपा समानान्तरले राप्रपासँग एकता प्रक्रियालाई अघि बढाउने निर्णय समेत गरेको छ । यस्तै एकीकृत राप्रपा निर्माण अभियानमा लागिपर्ने समेत बैठकले निर्णय गरेको लावतीले बताए ।

फुटपछि गणेश शेरचन समुह भने कसरी अघि बढ्न भन्नेबारे खुल्न बाँकी रहेको छ । उनको समुहमा पनि प्रभावशाली नेताहरु रहेको बताइएको छ ।

कमल थापासँग छुट्टिएर बनेको समानान्तर पार्टीका अध्यक्ष पद्मसुन्दर लावतीको एकवर्षअघि निधन भएसँगै कार्यबहाकको अध्यक्ष शेरचनलाई दिइएको थियो ।

यसैबीच केहि महिनाअघि मात्रै कमल थापाको कारबाहीमा परेका केशरबहादुर विष्ट समुहसँग एक्ताअघि मिलेर जाने विषयमा समानान्तर सहमत भएको बुझिएको छ ।

 

प्रकाशित मिति: Jun 30, 2016

प्रतिक्रिया दिनुहोस्