नाटक ‘यो कुनै बास हो एक’ को मञ्चन
यस नाटकको तीन दिन र चार शो थप गर्दै मञ्चन अवधि लम्ब्याइएको हो ।
नाटकमा समका घर परिसरमा भेटिएकी नातिनी पुस्ताकी एक महिला पात्र दिवासाले समका नाट्यकृतिमा रहेका महिला पात्रको विश्लेषण गरेकी छिन् । नाटकको सुरुदेखि नै समका लेखनमा प्रश्न उठाउ“दै समस“गै संवाद गर्दै उनी समका विविध पात्रहरुभित्र प्रवेश गर्ने प्रयत्न गर्छिन् ।
नारी संवेदनालाई कलात्मक उठान गरिएको यस नाटकले समको घर परिसरलाई मञ्चमा दुरुस्तै उतार्ने प्रयास भएको छ ।
थिएटर आकारको प्रस्तुति रहेको नाटकलाई थिएटर घनश्याम श्रेष्ठले निर्देशन गरेका हुन् भने एकल अभिनयमा रंगकर्मी सुस्मा कोइराला उत्रिएकी छिन् । उनलाई एना देउजा र रविना श्रेष्ठले साथ दिएका छन् ।
काठमाडौं मल, सुनधारास्थित नाटकघर थिएटर मलले स्थापनाको दुई वर्ष नपुग्दै १५ नाटक मञ्चन गरिसकेको छ । ‘यो कुनै बास हो एक’ थिएटर मलको दोस्रो एकल अभिनयात्मक नाटक हो । थिएटर मलका यसअघि ‘बदरंग’, ‘बिम्बाका सपना’, ‘च्यातिएको पर्दा’, ‘मान भर्सेस मती’ लगायतका नाटक चर्चामा थिए ।
