क्यान्सरपीडित पत्रकार शर्माको उपचारका लागि महासंघको अभियान

‘पत्रकार शालिकराम शर्मा उपचार अभियान’ को आरम्भ गर्दै महासंघले आजै २५ हजार रुपैयाँ जम्मा गरेको छ।  

सहयोग गर्न चाहने शाखा तथा इच्छुक पत्रकार तथा सहयोगीहरुले महासंघ केन्द्रको नाममा रहेको बबरमहलस्थित एनएमबी बैंकको चल्ती खाता ००१००६००१४०८६२०००००१ मा सहयोग जम्मा गरिदिन अपिल गरिएको छ।

मोफसल पत्रकारितामा दुई दशकदेखि सक्रिय पत्रकार शर्माको उपचारमा आ–आफ्नो शाखामार्फत सहयोग पुर्‍याउनसमेत महासंघले आग्रह गरेको छ।

सल्यानी सन्देश र रेडियो शारदा एफएममा आबद्ध पत्रकार शर्माको निजी स्रोतबाट उपचार गराउन सम्भव नभएपछि आर्थिक सहयोग जुटाउन अभियान थालिएको कोषाध्यक्ष सूर्यमणि सुवेदीद्वारा जारी प्रेसनोटमा जनाइएको छ।