तामाको वस्तु पगाल्ने क्रममा कैलालीमा विस्फोट, एकको मृत्यु
सुदूरपश्चिम प्रदेश स्थित कैलालीको विकट क्षेत्र गोदावरी नगरपालिका-४, फुलबस्तीमा विस्फोट भएको छ । विस्फोटमा परि अन्दाजी ३५ वर्षीय नरबहादुर विकको मृत्यु भएको छ ।
विकले गाउँमा तामाको वस्तु फेला पारेपछि पगाल्ने क्रममा पड्किएको कैलाली प्रहरी प्रमुख एसपी सुदीप गिरीले जानकारी दिए । उक्त वस्तुमा विस्फोटक पदार्थ थियो वा थिएन भन्ने प्रहरी अधिकृत घटनास्थलमा पुगेपछि मात्रै थाहा हुने गिरीले बताए ।