ट्विटरले आफ्ना विश्वभरका कर्मचारीलाई घरबाटै काम गर्न आग्रह
विश्वभर कोरोनाको त्रास फैलिरहेको भन्दै सामाजिक नेटवर्क प्लेटफर्म ट्विटरले आफ्ना कर्मचारीलाई घरबाटै काम गर्न आग्रह गरेको छ ।
ट्विटरले एक सूचना जारी गर्दै भनेको छ, यो अभूतपूर्व कदम भएको हामी बुझ्छौं । तर, यो अकल्पनीय अवस्था हो । र, हामीले सक्ने सम्पर्ण सहयोग गर्न तयार छौं ।
विश्वभरमा कोरोनाबाट एक लाख २६ हजारभन्दा बढी संक्रमित छन् भने चार हजार ६ सयभन्दा बढीको मृत्यु भइसकेको छ ।
चीनको वुहानबाट सुरु भएको कोरोना संक्रमणबाट हाल जापान, दक्षिण कोरिया, इरान, इटालीलगायतका मुलुहकहरु छन् ।
