Logo
October 4, 2019

‘सामाजिक उत्तरदायित्वका लागि पत्रकारिता’

त्रिविको उपकुलपतिका लागि भगवान कोइरालाको पहिलो नम्बरमा नाम सिफारिस

त्रिभुवन विश्वविद्यालयको उपकुलपतिका लागि डा. भगवान कोइरालासहित तीनजनाको नाम सिफारिस भएको छ । समितिले सिफारिस गरेका मध्येबाट कुलपतिले एकजना चयन गर्ने व्यवस्था छ ।

१९ औँ उपकुलपति चयन गर्नका लागि गठित नाम सिफारिस समितिले पहिलो नम्बरमा डा. भगवान कोइराला, दोस्रोमा डा. धर्मकान्त बास्कोटा र तेस्रोमा चन्द्रमणि पौडेलको नाम सिफारिस गरेको हो ।

को हो डा. भगवान कोइराला ? 

कोइरालासहित तीन जनाको नाम सिफारिस

गत भदौ ५ गते तीर्थ खनियाँको समयावधि सकिएपछि सरकारले शिक्षामन्त्री गिरीराजमणि पोखरेलको संयोजकत्वमा त्रिविको उपकुलपति नियुक्तिका लागि नाम सिफारिस समिति गठन गरेको थियो ।

समितिले आफ्नो सिफारिस प्रधानमन्त्री केपी शर्मा ओलीलाई बुझाइसकेको मन्त्री पोखरेलले रातोपाटीलाई जानकारी दिए । ‘समितिले तीन जनाको नाम सिफारिस गरेको छ’ मन्त्री पोखरलेले भने, ‘अव त्रिविले चाँडै उपकुलपति पाउने छ ।’

पोखरेलका अनुसार त्रिविको उपकुलपतिका लागि सिफारिस तीन जनामा डा.भगवान कोइराला, डा. धर्मकान्त बास्कोटा र डा.चन्द्रमणि पौडेल छन् ।

तीमध्ये एक जनालाई सरकारले त्रिभुवन विश्व विद्यालयको उपकुलपति नियुक्त गर्नेछ । त्रिविको उपकुलपति हुन एक दर्जन बढीले आकांक्षा देखाएका थिए । आकांक्षीहरुले विभिन्न शक्तिकेन्द्र समेत गुहारे पनि अन्ततः कोइराला, बास्कोटा र पौडेलको नाम सिफारिस भएको हो ।

डा. कोइराला वरिष्ठ मुटुरोग विशेषज्ञ हुन भने डा. बास्कोटा तत्कालीन नेपाल मेडिकल काउन्सिलका अध्यक्ष हुन् । उनले हालैमात्र अवकास पाएका थिए ।

डा. पौडेल त्रिविकै पूर्वरजिष्ट्रार हुन् । उनलाई सरकारले २०७४ सालमा राष्ट्रिय परीक्षा बोर्डको अध्यक्षमा समेत नियुक्त गरेको थियो ।

यसअघि निमित्त उपकुलपतिको जिम्मेवारी पाएकी सुधा त्रिपाठीको नाम भने सिफारिसमा परेको छैन ।

प्रकाशित मिति: १७ आश्विन २०७६, शुक्रबार १२:१८

प्रतिक्रिया दिनुहोस्