अमेरिकामा ट्रकसँग रेल ठोक्कियो
अमेरिकाको मिसौरीमा फोहोरले भरिएको ट्रकसँग रेल ठोक्किदा ३ जनाको मृत्यु र ५० भन्दा बढी यात्रु घाइते भएका छन् ।
एक अधिकारीका अनुसार मृत्यु हुनेमा दुई यात्रु र ट्रक चालक रहेका छन् भने एमट्रक मिडिया सेन्टरका अनुसार ट्रेनमा २४३ यात्रु थिए। सञ्चारमाध्यमका अनुसार मृत्यु हुनेको संख्या बढ्न सक्छ ।
ट्रक कन्सास शहरबाट १०० माईल पूर्वमा रहेको मेन्डनको रेलमार्गमा पार्क गरिएको र ट्रेन लस एन्जलसबाट शिकागो जाँदै थियो।
स्थानीय अधिकारीहरूले यात्रुहरूलाई मद्दत गरिरहेका छन् र घटना प्रतिक्रिया टोली सक्रिय गरिएको छ ।
घटनास्थलमा उद्धार कार्य जारी छ । घाइतेहरुलाई उपचारका लागि अस्पताल लगिएको छ ।
