इन्जिनियर कृष्णभक्त दुवाल सम्मानित
सरकारले भक्तपुरका इन्जिनियर कृष्णभक्त दुवाललाई सम्मान गरेको छ । लामो सयमदेखि युवा उद्यमी तथा व्यवसायीलाई आन्टप्रोनर्स (स्वावलम्बी) बनाउनगरेको योगदानको कदरस्वरूप युवा तथा खेलकुद मन्त्रालयले उनलाई सम्मान गरको हो । मन्त्रालयका सचिव डा. दामोदर रेग्मीले इन्जिनियर दुवाललाई प्रशंसपत्र प्रदान गरी सम्मान गरेका हुन् ।
उद्योग व्यवसायको क्षेत्रको विकासबाट मात्र राष्ट्रको समुन्नत विकासमा टेवा पुग्ने र इन्जिनियर दुवालले यसका लागि गरेको कामको कदर गर्दै सम्मान गरेको जनाइएको छ । युवा वर्गलाई यस क्षेत्रमा क्रियाशील गराउन दुवालको भूमिका प्रेरणादायी रहेकाले सम्मान गरेको सम्मानपत्रमा उल्लेख छ ।
इन्जिनियर दुवाल युवा व्यवसायी हुन् । उनी नेपाल इको प्यानलका प्रमुख कार्यकारी अधिकृत पनि हुन् । आफू र युवा वर्गलाई नयाँंनयाँं व्यापार व्यवसाय संलग्न गराउन उनी निरन्तर क्रियाशील छन् ।
