जसपालाई जनकपुर उपमहानगर दिइएपछि कांग्रेसका नेताहरुले आज सामूहिक राजीनामा दिँदै
मधेश प्रदेश अन्तरगत धनुषाको जनकपुर उपमहानगर जसपालाई दिइएपछि नेपाली कांग्रेसका नेताहरुले आज सामूहिक राजीनामा दिने भएका छन् ।
कांग्रेस जनकपुरधामका नगर सभापति मनोज साहलगायतका असन्तुष्ट नेताहरुले पार्टीबाट सामूहिक राजीनामा दिन लागेका हुन् । सत्ता गठबन्धनले गरेको भागबन्डामा मधेसको राजधानीसमेत रहेको जनकपुरधाम उपमहानगरपालिका जसपाले पाएपछि नेपाली कांग्रेसका नेताहरुले शुक्रबार सामूहिक राजीनामा दिने तयारी गरेका छन् ।
उनीहरुले दिउँसो दुई बजे पत्रकार सम्मेलनमार्फत राजीनामा घोषणा गर्दै छन् ।
