Logo
१६ चैत्र २०८०, शुक्रबार
(April 10, 2022)

‘सामाजिक उत्तरदायित्वका लागि पत्रकारिता’

कियाले पहिलो पटक ल्याउदै इलेक्ट्रिक कार, यस्ता छन् विशेषता !

कियाले चाडै नै ल्याउदैछ १८ मिनेटमा चार्ज हुने र ४२५ किमी रेन्ज दिने पहिलो इलेक्ट्रिक कार लन्च गर्ने तयारी गरिरहेको छ ।

कम्पनीले हाल सोनेट, सेल्टोस, कार्निभल र क्यारेन्स जस्ता पेट्रोल–डिजेल कारहरू मात्र बिक्री गर्दै आइरहेको छ । तर, कियाले यसअघि नै ६ वटा इलेक्ट्रिक कार विश्व बजारमा ल्याइसकेको छ ।

रिपोर्टका अनुसार कियाको पहिलो इलेक्ट्रिक कार भारतमा परीक्षणको क्रममा देखाइएको छ । कम्पनीले चाँडै नै भारतमा पनि लन्च गर्ने घोषणा गर्ने अपेक्षा गरिएको छ ।

स्पाई इमेज तेलंगानाको राजधानी हैदराबादको सडकमा किया ईभी६ जीटी भेरिएन्ट देखिएको थियो । रिपोर्टका अनुसार किया ईभी६ यसै वर्ष भारतमा लन्च गर्न सकिन्छ । लन्चिङ पछि सो कारले टाटा नेक्सन ईभी, एमजी जेडएस ईभी र हुन्डाई आयोनिक ५ जस्ता इलेक्ट्रिक कारहरूसँग प्रतिस्पर्धा गर्नेछ ।

ग्लोबल मोड्युलर प्लेटफर्ममा आधारित कियाको नयाँ इलेक्ट्रिक कार हाल युरोपेली बजारहरूमा मात्र उपलब्ध छ । यो टप स्पेक जीटी भेरिएन्ट ड्युअल इलेक्ट्रिक अल ह्विल ड्राइभ सिस्टममा उपलब्ध छ । यो कारमा ७७।४ केडब्ल्युएचको ब्याट्री प्रयोग गरिएको छ, जसले ३२० बीएचपीको अधिकतम पावर र ६०५ एनएमको टर्क जेनेरेट गर्न सक्छ ।

ग्लोबल सर्टिफिकेसन अनुसार किया ईभी६ ले एक पटक चार्जमा ४२५ किलोमिटरको रेन्ज दिने दाबी गरेको छ । कियाले अल्ट्रा फास्ट चार्जिङ सिस्टमको सहयोगमा कारलाई १८ मिनेटमा १० देखि ८० प्रतिशतसम्म चार्ज गर्न सकिने दाबी पनि गरेको छ ।

विश्व बजारमा किया ईभी६ लाई ३ भेरिएन्ट ईभी६, ईभी६ जीटी–लाइन र ईभी६ जीटीमा उपलब्ध छ । सो कारमा धेरै ड्राइभ कन्फिगरेसनहरू उपलब्ध छ, जसमा ५१० किलोमिटरभन्दा बढीको रेन्जका लागि २ वटा ब्याट्री भेरिएन्टहरू समावेश छन् । टप भेरिएन्ट जीटी थप शक्तिशाली ब्याट्री प्याकको साथ पेश गरिएको छ ।

ईभी६ टु–ह्विल ड्राइभ र वैकल्पिक रूपमा अल ह्विल ड्राइभको रूपमा उपलब्ध छ । युरोपेली देशहरूमा किया ईभी६ को मूल्य ४५ हजार यूरो छ । नेपालमा उपलब्ध भएमा एक करोडको हाराहारी मूल्य पर्न सक्छ । नेपाल अटो

प्रकाशित मिति: Apr 10, 2022

प्रतिक्रिया दिनुहोस्