‘मुन्द्रेको कमेडी क्लब’मा भित्रिँदै दमन रुपाखेती
नेपालको हास्य कलाकार जीतु नेपालको कमेडी शो‘मुन्द्रेको कमेडी क्लब’ मा अर्का हास्य कलाकार दमन रुपाखेती पनि भित्रिने भएका छन् ।
जीतुले शोमा दमन पनि समेट्न लागेको जानकारी दिए । ‘दमनलाई पनि शोमा समेट्ने प्रयास गर्दैछु’ जीतुले भने, ‘पहिले टीभी फिक्स गरौ । त्यसपछि कलाकार र टिम सार्वजनिक गर्नेछु ।’
जीतुले अहिले सेट डिजाइन र टीभी फाइनल गर्ने काम भइरहेको बताए ।धेरै पहिले जीतु र दमन जोडीका रुपमा कलाकारितामा देखिने गर्दथे ।
त्यतिबेला दुबै जोडी हिट मानिन्थ्यो । पछिल्लो समय भने यी दुबै एक्लै एक्लै देखिँदै आएका छन् । ‘मुन्द्रेको कमेडी क्लब’ केही समय अगाडि बन्द भएको थियो । त्यसलाई परिमार्जित गर्दै निर्देशक दिनेश डिसी भित्र्याएर जीतुले शो ल्याउन लागेका हुन् । शो छिट्टै आउने जीतुले जानकारी दिए ।
