यामाहाले एमटी १५ लाई अपडेट गरेर नयाँ मोडल २०२२ ल्याउने
यामाहाले आफ्नो लोकप्रिय न्याकेड स्ट्रिटफाइटर बाइक एमटी १५ लाई अपडेट गरेर ल्याउने भएको छ । २०२२ मोडलमा धेरै फिचर्स अपडेट गरेर ल्याउने तयारी थालेसंगै कम्पनीले अहिले हाल कारोबार भैरहेको मोडलको उत्पादन बन्द समेत गरिसकेको छ ।
यो बाइक अबको केही महिनाभित्रै आउने अनुमान गरिएको छ ।नयाँ मोडलमा कम्पनीले इन्जिन र फिचर्समा फेरबदल गर्न सक्ने आँकलन गरिएको छ ।
यो नयाँ बाइकमा वाइजेडएफ आर१५ भि४ को इन्जिन जडान गरिने भएको छ । जसको टर्क हाल कारोबार भैरहेको मोडलको तुलानामा केही बढी हुने छ ।
यामाहाले अहिले कारोबार भैरहेको एमटी १५ मा आर१५ भि ३ को इन्जिन राखेको थियो । जसको पवार १८.५ पिएस र टर्क १३.९ एनएम रहेकोमा नयाँ इन्जिनले १८.४ पिएस पावर र १४.२ एनएम टर्क जेनेरेट गर्नेछ ।
साथै यो नयाँ मोडलमा यामाहाले डुअल च्यानल एबिएस र ट्रयाक्सन कन्ट्रोल जस्ता फिचर्स समेत थप गर्न सक्ने संभवाना देखिएको छ ।
यसको अतिरिक्त यो बाइकमा स्मार्टफोन कनेक्टिभिटी सहितको रिडिजाइन गरिएको इन्स्ट्रुमेन्ट कन्सोल समेत थप हुने जनाइएको छ । यो नयाँ बाइक हालको एमटी १५ भन्दा केही महंगो समेत पर्नेछ । नेपाल अटो