फ्रि फायरसहित थप ५४ चिनियाँ एपमा भारतले लगायो प्रतिबन्ध
छिमेकी मुलुक भारतले सुरक्षाको कारण देखाउँदै थप ५४ वटा चिनियाँ एपमा प्रतिबन्ध लगाएको छ ।जसमा लोकप्रिय अनलाइन गेम फ्री फायर समेत छ ।
राष्ट्रिय सुरक्षामा असर पर्न सक्ने कारण देखाउँदै भारतले ती चिनियाँ एपलाई हटाएको हो । फ्रि फायरलाई एप्पल स्टोर र गुगल प्ले स्टोर दुबैबाट हटाइएको छ ।भारतको गृह मन्त्रालयले ती चिनियाँ भर्सन क्लोन्ड एप हुनसक्ने र सबैको काम उस्तै हुनसक्ने जनाएको छ ।
गोपनीयता र सुरक्षाका मुद्दामा यी एपले असर पार्न सक्ने भारतीय गृह मन्त्रालयले जनाएको छ ।सन् २०२० मा भारतले २६७ वटा एपमा प्रतिबन्ध लगाएको थियो ।
