सिरहामा बुवाले बन्चरो प्रहार गरेर छोराको हत्या
मधेश प्रदेश स्थित सिरहामा घरायसी विवादमा बुवाले बन्चरो प्रहार गरेर छोराको हत्या गरेका छन् ।
जिल्लाको सखुवानन्कारकट्टी गाउँपालिका-२ पटनामा आज बिहान ६० वर्षीय सोनाई सदायले बञ्चरो प्रहार गरी आफ्नो २० वर्षीय छोरा परमेश्वर सदायको हत्या गरेको जिल्ला प्रहरी कार्यालय सिरहाका प्रवक्ता प्रहरी नायव उपरीक्षक सुवास बुढाथोकीले बताए ।
उनले घरायसी विवादमा दुबैजनाबीच विवाद हुँदा घटना घटा घटेको बताए ।प्रहरीले यस घटनामा बन्चरो प्रहार गर्ने बुवा सोनाईलाई पक्राउ गरी अनुसन्धान सुरु गरेका छन् ।
