२४ घण्टामा थप ११ हजार ३५२ जनामा कोरोना पुष्टि, ४ को मृत्यु
नेपालमा पछिल्लो समयमा कोरोना संक्रमित दैनिक उकालो लागि रहेका छन् । पछिल्लो २४ घण्टामा थप ११ हजार ३५२ जनामा कोरोना पुष्टि भएको छ ।
स्वास्थ्य तथा जनसङ्ख्या मन्त्रालयका अनुसार १८ हजार ७८ नमुनाको पीसीआर टेस्ट गर्दा ९ हजार ५०२ तथा ५ हजार ३३१ नमुनाको एन्टीजेन टेस्ट गर्दा १ हजार ८५० जनामा सङ्क्रमण पुष्टि भएको हो ।
मन्त्रालयका अनुसार नयाँ सङ्क्रमित मध्ये ६ हजार ३४३ जना काठमाडौं उपत्यकाका छन्, जसमा काठमाडौँका ४ हजार ६६६, ललितपुरका १ हजार १९ र भक्तपुरका ५७८ जना छन् ।
पछिल्लो २४ घण्टामा ६१३ जना कोरोना सङ्क्रमणमुक्त भएका छन् भने ४ जनाको मृत्यु भएको छ । हाल देशभरमा ४७ हजार ९२९ जना सक्रिय सङ्क्रमित छन् ।
