प्रधानमन्त्री देउवाले राष्ट्रका नाममा सम्बोधन गर्ने
प्रधानमन्त्री शेरबहादुर देउवाले सरकार गठन भएको ६ महिनाको सन्दर्भ पारेर राष्ट्रका नाममा सम्बोधन गर्ने भएका छन् ।सरकार गठन भएको ६ महिनाको सन्दर्भ पारेर प्रधानमन्त्रीले सम्बोधन गर्ने तयारी भएको बालुवाटार स्रोतले जनाएको छ ।
देउवाले प्रधानमन्त्री नियुक्त भएपछि पहिलो पटक राष्ट्रका नाममा सम्बोधन तर सम्बोधनको मिति र समय भने तय भइसकेको छैन ।
प्रधानमन्त्रीका स्वकीय सचिव भानु देउवाले भने,’एक/दुई दिनमा प्रधानमन्त्रीले सम्बोधन गर्नुहुन्छ, त्यसको तयारी भइरहेको छ ।’
असार २९ गते प्रधानमन्त्री नियुक्त भएका देउवाले संसदमा विश्वासको मत लिएपछि सम्बोधन गरेका थिए । प्रधानमन्त्री नियुक्त भएपछि राष्ट्रका नाममा सम्बोधन गर्ने प्रचलन रहिआएको छ ।
तर पाँचौँ पटक मुलुकको प्रधानमन्त्री बनेका देउवाले सरकार गठनको ६ महिनासम्म पनि राष्ट्रका नाममा सम्बोधन गरेका छैनन् ।