मैले कुनै धर्मलाई प्रवर्द्धन गर्न हिन्दु राष्ट्रको कुरा गरेको होइन : राजेन्द्र लिङ्देन
राष्ट्रिय प्रजातन्त्र पार्टीका अध्यक्ष राजेन्द्र लिङ्देनले कुनै धर्मलाई प्रवर्द्धन गर्न हिन्दु राष्ट्रको कुरा गरेको नगरेको बताएका छन् ।
राष्ट्रिय प्रजातन्त्र पार्टीको बिहीबार धनगढीमा आयोजित सुदूरपश्चिम प्रदेश स्तरीय सभामालिङ्देनले कसैलाई राजा बनाउन र कुनै जात विशेषले मानेको धर्मलाई प्रवर्द्धन गर्न मात्र राजसंस्था र हिन्दु राष्ट्रको कुरा नगरेको बताएका हुन् ।
उनले हिन्दु राष्ट्र कुनै जात विशेषले मान्ने धर्मको कुरा मात्र नभई नेपाली जनताको एकता र पहिचानसँग सम्बन्धित विषय रहेको बताए ।
उनले भने, ‘यो विषय नेपालको गौरवसँग सम्बन्धित विषय हो र हामी सबै नेपालीलाई जोड्ने चीज हो ।’उनले राष्ट्रिय प्रजातन्त्र पार्टी लोकतन्त्र र जनताको सर्वोच्चता प्रति पूर्णरुपले प्रतिबद्ध रहेको उल्लेख गरे ।
अध्यक्ष लिङदेनले केही पार्टी र राजनीतिक दलहरुले पैसा कमाउने सबभन्दा सजिलो बाटोका रुपमा राजनीतिलाई विकसित गरेको आरोप लगाए।
