चिट चोर्ने नदिएको भन्दै आरआर कलेजका विद्यार्थीद्वारा शिक्षकलाई कुटपिट
परीक्षामा चिट चोर्ने नदिएको भन्दै रत्नराज्यलक्ष्मी क्याम्पसका विद्यार्थीले शिक्षकलाई निर्घात कुटपिट गरेका छन् ।
क्याम्पसको आन्तरिक परीक्षामा चिट चोर्ने नदिएको भन्दै विद्यार्थी कुवेर जेठाराले शिक्षकलाई कुटपिट गरेका हुन् । कुटपिटबाट क्याम्पसका शिक्षक प्रकाश पुडासैनी घाइते भएका छन् ।
उनको मोडल अस्पतालमा उपचार भइरहेको छ ।कलेजका शिक्षक जगत नेपालले आफूले कुटपिट भएको देखेको बताउँदै प्रशासनले यस विषयमा छलफल गरिरहेको बताए । उक्त घटनापछि मंगलबारको परीक्षा स्थगित भएको छ ।
