हिजो र आज (दीपा रेग्मीको कविता)
हिजो तिमीले टाढै वाटै वोलाउने गथ्यौं
आज कुममा कुम ठोकिँदा पनि नचिने झै गर्यौ ।
हिजोको बोलाई देखावटी जस्तो लाग्यो
आजको वोलाई केवल औपचारीक मात्र ।।
हिजो पनि तिमीले मलाई सोधे झै लाग्थ्यो
आज पनि तिमीले मलाई सोध्यौ ।
हिजो सोधाइमा तिम्रो स्वार्थ थियो
आजको सोधाइमा केवल वाध्यता मात्र ।।
हिजो तिमी विना बाँच्न सक्दीन् भन्थ्यौ
आज हाँसीखुसी बाँचेको म देख्छु ।
हिजोको बचाँइ देखावटी जस्तो लाग्यो
तर आजको बचाँइ तिम्रो र मेरो नयाँ जिन्दगीको सुरुवात लाग्यो
