बाँकेमा माइक्रो बसको ठक्करबाट मोटरसाइकल चालकको मृत्यु
बाँकेमा खजुरा गाउँपालिका-५ धनौली बजार नजिकै गएराती माइक्रो बसको ठक्करबाट मोटरसाइकल चालकको मृत्यु भएको छ ।
लुम्बिनी प्रदेश स्थित बाँकेको खजुराबाट नेपालगञ्जतर्फ जाँदै गरेको भे १ ख ३३६० नम्बरको माइक्रो बसले विपरित दिशाबाट आउँदै गरेको भे ३ प ५३६९ नम्बरको मोटरसाइकललाई गएराती करिब नौ बजे ठक्कर दिँदा कञ्चनपुरको दोधारा १ का ३० वर्षीय दिनेश बरालको मृत्यु भएको हो ।
दुर्घटनामा गम्भीर घाइते भएका बरालको उपचारको क्रममा भेरी अस्पतालमा गएरातीनै मृत्यु भएको हो ।ठक्कर दिने बस र चालकलाई इलाका प्रहरी कार्यालय धनौलीले नियन्त्रणमा लिएको छ ।
