कांग्रेसको संस्थापनइतर पक्षले आज साँझ सभापतिको उम्मेदवार घोषणा गर्ने
कांग्रेसको १४ औं महाधिवेशनमा नयाँ नेतृत्वका लागि संस्थापनइतर पक्षले शुक्रबार साँझ सभापतिको आधिकारिक उम्मेदवार घोषणा गर्ने भएको छ ।
महाधिवेशनको उद्घाटन सत्रपछि साँझ ५ बजे संस्थापनइतरको बैठक बसेर उम्मेदवार तय गर्ने निर्णयमा नेताहरू सहमत भएका छन् ।
कांग्रेस नेताहरु वरिष्ठ नेता रामचन्द्र पौडेल निवास बोहराटार पुगेर पौडललाई महाधिवेशनको उद्घाटनसत्रमा सहभागी हुन सहमत गराएका छन् ।
शुक्रबार साँझसम्म साझा उमेदवार तय गर्ने नेताहरूले प्रतिबद्धता जनाएपछि पौडेल उद्घाटनसत्रमा सहभागी हुन तयार भएका हुन् ।
उनीसँग छलफल गर्न महेश आचार्य, बलबहादुर केसी, अर्जुननरसिंह केसी, गगन थापा, रामशरण महत पौडेल निवास पुगेका थिए ।
नेता पौडेलले वक्तव्य जारी गरेर महाधिवेशनको उद्घाटन कार्यक्रममा नजाने तयारी गरेपछि संस्थापनइतरका नेताहरू पौडेल निवास बोहोराटार पुगेका थिए ।
