क्याट्रिना-विक्कीको विवाहमा फोन निषेध गर्नुको यस्तो छ कारण थाहापाउनुहोस् !
पछिल्लो समयमा बलिउडका द्धय कलाकार क्याट्रिना कैफ र विक्की कौशलको विवाहको बलिउड खबरले बजार तातिरहेको छ । उनीहरुको विवाह यही डिसेम्बर ७ देखि ९ सम्म सिक्स सेन्स फोर्ट, सवाई माधोपुरमा हुँदैछ ।
उनीहरुले आफ्नो विवाहमा नो फोन नीति लागू गरेका छन् । ताकि कसैले बिहेको फोटो बाहिर नलगोस् । मिडिया रिपोर्टका अनुसार विक्की–क्याटले आफ्नो विवाहका तस्बिरहरू विदेशी पत्रिकालाई बेच्ने सम्झौतामा हस्ताक्षर गरेका छन् ।
जसका कारण विवाहमा धेरै गोपनियता कायम गरिएको छ । यो जोडीले निक जोनस र प्रियंका चोपडाको बाटो पछ्याइरहेका छन् । वास्तवमा, निक-प्रियंकाले आफ्नो विवाहको तस्बिर अन्तर्राष्ट्रिय म्यागजिनलाई बेचेका थिए।
प्रियंका चोपडाले सन् २०१८ मा निक जोनससँग विवाह गरेकी थिइन् । केही दिनपछि अभिनेत्रीले आफ्नो विवाहको तस्बिर पिपुल म्यागजिनलाई २५ लाख डलरमा बेचेको खबर आएको थियो ।
ती तस्बिरहरूमध्ये केही जोडीले हेलो म्यागजिनलाई पनि बेचेका थिए।त्यस्तै बलिउडकी सोनम कपुर र प्रीति जिन्टा पनि आफ्नो विवाहको फोटो बेच्ने लिस्टमा परेका छन् । तर, सोनमले आफ्नो विवाहमा आएका पाहुनालाई सोसल मिडियामा तस्बिर शेयर गर्न रोकेनन् । मिडिया रिपोर्टका अनुसार यस लहरमा कट्रिना र विक्कीले मुम्बईको आफ्नो कोर्टमा पहिलो विवाह गर्नेछन्।एजेन्सी
