प्रधानमन्त्री देउवाले भने : ‘नेपालमा पार्टी जति कम हुन्छन् त्यति राम्रो हो’
प्रधानमन्त्री शेरबहादुर देउवाले एउटै विचार भएकाको एउटा पार्टी बन्नु राम्रो हुने बताएका छन् ।
बुधबारबाट सुरु भएको राप्रपाको महाधिवेशनको उद्घाटन सत्रलाई सम्बोधन गर्दै प्रधानमन्त्री देउवाले भने, ‘एउटै विचार भएकाको एउटा पार्टी बन्नु राम्रो हो । नेपालमा पार्टी जति कम हुन्छन् त्यति राम्रो हो ।’
देउवाले मुलुकका राजनीतिक दलहरू महाधिवेशनमा व्यस्त भएको बताए । एमालेको महाधिवेशन भर्खरै सकिएको र कांग्रेसको महाधिवेशन आउँदै गरेको उल्लेख गर्दै देउवाले भने, सबै राजनीतिक दल महाधिवेशन गरिरहेका छन्, अहिले पार्टी महाधिवेशनको मेलाजस्तो छ ।
