राप्रपा अध्यक्षमा कमल थापाले उम्मेदवारी दिने
राप्रपाको महाधिवेशनमा कमल थापाले अध्यक्ष पदमा उम्मेदवारी दिने भएका छन् ।उनले आज राष्ट्रिय सभागृहमा कार्यक्रम गरेर अध्यक्ष पदमा उठ्ने घोषणा गर्न लागेका हुन् ।
थापाले आफू फेरि किन राप्रपाको अध्यक्ष उठ्न लागेको भन्नेबारे विस्तृतमा आज राष्ट्रिय सभागृहमा कार्यक्रममा बताउने उल्लेख गरेका छन् । राप्रपाको यही मंसिर १५ देखि १७ सम्म काठमाडौंमा महाधिवेशन हुँदै छ ।
थापा अहिले पनि राप्रपा अध्यक्ष रहेका छन् । राप्रपामा थापासहित पशुपतिशम्शेर राणा र प्रकाशचन्द्र लोहनी अध्यक्ष रहेका छन् । यसअघि सोही पार्टीको नेता राजेन्द्र लिङदेनले पनि अध्यक्ष पदमा उम्मेदवारी घोषणा गरीसकेका छन् ।
