उपनिर्वाचनमा हामीले जितेर देखाउँछौँ ! कतिपय मान्छे र पार्टीको सातो गैसकेको छ : माधव नेपाल
नेकपा एकीकृत समाजवादीका अध्यक्ष माधव कुमार नेपालले राष्ट्रिय सभाको चुनावमा सँगसँगै उम्मेदवार बनाएर सबै ठाउँमा जितेर देखाउने दावी गरेका छन् ।
साथै उनले आफ्नो पार्टीको नाम सुन्दा धेरैको होसहवास गुम्न थालेको बताएका छन । भरतपुर विमानस्थलमा पत्रकारहरूसँग कुरा गर्दै नेता नेपालले नेकपा एसको नाम सुन्ने वित्तिकै नेताहरुको होसहवास गुम भइरहेको बताएका हुन् ।
कतिपय मान्छे र पार्टीले नेकपा एस भनेर नाम समेत सुन्न नचाहेको उल्लेख गर्दै उनले भने, ‘राष्ट्रिय सभाको चुनावमा सँगसँगै उम्मेदवार बनाएर सबै ठाउँमा जितेर देखाइदिन्छौँ, उपनिर्वाचनमा पनि जितेर देखाउँछौँ, कतिपय मान्छे, पार्टीको सातो गैसकेको छ, नेताहरुको होसहवास गुम भैसकेको छ, यो सबै गर्ने नेकपा एस भनेर नाम सुन्न चाहदैनन्, नाम सुन्दा थरथर काम्न थाल्छन् ।’
उनले एकीकृत समाजवादीमा नेता-कार्यकर्ताको आकर्षण बढेको पनि दावी गरेका छन् ।यस्तै अध्यक्ष नेपालले सर्वोच्च अदालतको समस्या समाधानका लागि प्रधानमन्त्री शेरबहादुर देउवाले अग्रसरता लिनुपर्ने बताएका छन् ।
न्यायालयको विवाद समाधानका विष्वायमा गठबन्धनमा छलफल पनि उनले बताएका छन् ।
