चलचित्र ‘घुँइचो’ मा मुख्य भुमिकामा अभिनेत्री एलिजा गौतम देखिदैँ
अभिनेत्री एलिजा गौतमले नयाँ फिल्म‘घुँइचो’मा मुख्य भुमिकामा अभिनय गर्ने भएकी छिन् ।
गौतमले नयाँ फिल्म‘घुँइचो’मा काम गर्न आज हस्ताक्षर गरेकी छिन् । आर.जे म्युजिक एण्ड मिडियाको ब्यानरमा रामजी दैलेखीले निर्माण गर्न लागेको फिल्म ‘घुँइचो’मा एलिजाले मुख्य भुमिकामा अभिनय गर्ने भएकी हुन् ।
अभिनेत्री एलिजा र निर्माता दैलेखीले सम्झौतापत्रमा हस्ताक्षर गरेका हुन् ।फिल्ममा दुर्गम गाउँदेखिका युवाको अमेरिकासम्मको यात्राको कथा रहेको निर्माण पक्षले जनाएको छ ।
निर्माता दैलेखीले अभिनेत्री गौतमसँग सम्झौता भएपनि अन्य बाँकी कलाकारहरु भने चाडैनै फाइनल गर्ने बताए । लामो समय क्यानडाको बसाईपछि नेपाल आएकी नायिका एलिजाले आफु लामो समयदेखि यस्तै कथाको प्रतिक्षामा रहेको भन्दै कथा मन परेको हुनाले आफु घुँइचोमा काम गर्न तयार रहेको जानकारी दिइन् ।
एलिजाको यो दोस्रो फिल्म हो । उनले पहिलो पटक ‘अनुराग’ फिल्ममा अभिनय गरेकी थिइन् ।
